波蘭 Oio Lab 奧米茄洗面乳 O-Mega Milk，係一支多功能產品，我每晚都會用佢落妝同埋洗面（好厚妝嘅話，最好都係用好氣色卸妝膏先洗一次），然後抹乾塊面就 OK；一個星期有兩晚，我會洗面之後用佢厚敷，當佢喺保濕舒緩面膜，之後，我甚至會當佢係睡眠面膜，搽住去瞓覺 （好適合我呢啲懶人😆）。講到呢度，其實我都有啲驚，一支產品咁多功能，我仲使賣其他嘢？😅
奧米茄洗面乳 O-mega Milk 咁勁，係因為佢嘅配方，採用咗 Oio Lab 獨家創新嘅植物萃取物 ： 即係超純淨、濃縮、臭氧化嘅歐米茄 3、6、9 酸酯，呢啲成分萃取自波蘭亞麻籽油，可以為皮膚提供最大程度嘅滋養，令肌膚得到良好嘅修護 (佢哋嘅萃取技術仲拎埋專利添，真係好犀利 👍👍👍)。佢嘅香味令我諗到青瓜 🥒🥒，係一陣幾清新嘅味道。講明先啊，唔係花香味，唔好表錯情 😉。
我睇返波蘭嗰邊嘅消費者試用報告，原來用咗一次之後， 30 分鐘內皮膚已經增加咗 70% 嘅水份，而第一次敷面膜之後， 15 分鐘內減少咗 31% 嘅泛紅。試過呢支洗面乳嘅人，100%都認同佢嘅清潔效果溫和而有效，96% 嘅試用者，就表示用過一次之後，皮膚變得更光滑、更清爽。定期使用 4 星期之後: 100% 嘅使用者都表示，佢哋嘅皮膚變得超潔淨、水潤，膚質可以得到明顯改善。呢啲咁出眾嘅效果，都歸功於水解豌豆蛋白（hydrolyzed pea proteins） 嘅超卓清潔功能，同埋由先進植物萃取物、多元修護 ectoin、幾種有機油脂（例如乳木果油、西番蓮籽油、葡萄籽油等等）帶嚟嘅密集護膚功效。你可以放心用喺眼部四周，因為 Oio Lab 已經將產品拎去獨立眼科醫生度檢驗，證實搽喺眼部四周絕對安全。
Oio Lab 奧米茄洗面乳 O-Mega Milk 採用 99% 嘅天然成分製成，不含合成防腐劑或者香料，非常適合敏感性肌膚使用。佢亦得到 Leaping Bunny 嘅認可同埋 PETA 嘅認證，係一款純素、無殘害配方嘅護膚品。 (每瓶200毫升）
用完第一支記住留返嗰玻璃樽，日後可以買鋁樽嘅環保補充裝，200毫升都係500蚊！（不過話明係補充裝，必須要買過玻璃樽嘅顧客，至可以買補充裝啊！所以到時候麻煩你 whatsapp 我，或者係chat 度留言，我會發補充裝嘅 link 俾你落單，OK？ 多謝諒解！！）
暫時沒有評論
成為第一個分享使用心得的人吧！
撰寫評論
需先登入會員才可撰寫評論。按此登入
