德國 GINZAI 喚醒爽膚水

德國集團 GINZAI 利用韓國嘅林參，研發出一系列抗衰老嘅護膚品。5000年嚟，林參一直被認為係世界上最珍貴嘅藥用植物（粵語片都睇得多），佢嘅價值係用黃金嚟衡量！林參需要七年嘅時間生長，至可以充分發揮佢 250 種成分嘅營養密度，亦只喺南韓嘅三個小地區可以搵到。經過人工挖出之後，再加工就成為獨特嘅 GINZAI 護膚品！品牌更加開發咗獨家嘅 G-Hiexponential 處理程序，確保林參根部嘅特殊活性成分，具有高生物利用率，可以令皮膚吸收得最好。林參具有適應性功效，能夠適應肌膚嘅唔同需求，所以適用於所有類型嘅肌膚。珍貴嘅林參有助於細胞再生，佢以溫和嘅方式對抗所有肌膚問題，令肌膚恢復自然平衡，回復彈性。

喚醒爽膚水 Wake-Up Toner ：佢唔單止係一支爽膚水，有清潔、保濕、收細毛孔嘅功效，佢嘅林參成分，仲可以刺激膠原蛋白嘅合成，啟動細胞更新，穩定皮膚嘅組織結構，產生抗皺嘅功效。成分裡面亦都有西藏玫瑰根嘅萃取物，可以增加皮膚嘅抵抗力，同時對抗紫外線輻射。金縷梅同蜂膠呢，就可以舒緩皮膚表面，明顯收細毛孔。使用喚醒爽膚水，可以提升我哋嘅皮膚狀態，咁後續嘅護膚程序至可以發揮得更好。（講多一句：林參具有抗炎同舒緩嘅特性，所以你可以耐唔中借俾🧔♂️🧔做鬚後水😁😁）

所有GINZAI嘅出品都係純素（喚醒爽膚水Wake-Up Toner除外，因為裡面有蜂膠）、無用動物測試、無防腐劑或者礦物油。（150毫升）