美國 Georgette Klinger 馬魯拉果油妝前乳 Marula Primer

美國老字號 Georgette Klinger 嘅馬魯拉果油妝前乳 Marula Primer， 係採用盛產於非洲嘅馬魯拉果，佢質地輕盈，容易吸收，含有豐富氨基酸 amino acids（ L- 精氨酸同埋谷氨酸，具有保濕、抗衰老嘅特性）、脂肪酸 fatty acids（包括棕櫚酸、硬脂酸、油酸與肉豆蔻酸，滋潤保濕）；仲有抗氧化劑（例如酚類化合物、維生素 E 和 C，可對抗自由基，避免紫外線對皮膚造成的傷害。）

使用呢款馬魯拉果油妝前乳，可以將臉上嘅瑕疵變得無咁明顯（即係霧化 blur 咗佢），令肌膚全天候都光彩照人。佢持久保濕，因為成分裡面含有先進嘅透明質酸 hyaluronic acid 嚟緩和肌膚，確保上妝時塊面好似絲綢咁滑溜，佢夠薄身，所以唔會沉澱喺毛孔、細紋或者其他乾燥部位。馬魯拉果油加上維他命 A、E、F 同 B 嘅滋養成份，可以深入滲透肌膚，鎖住水分，防止明顯嘅老化跡象。呢個妝前乳適用於所有油性同埋矽性粉底配方，係打造自然無瑕妝容嘅必要步驟。

用法好簡單，不過都有啲講究：喺潔面、爽膚之後，用乾淨嘅手指喺乾淨嘅皮膚上面，輕輕塗上一層妝前乳，然後等待 15-30 秒再上粉底同彩妝。要達到最佳效果，記得手法要輕，喺薄薄鋪一層喺面度，而唔係捽落去。唯一可以輕手捽嘅部位，就係毛孔粗大或者有細紋嘅地方，例如鼻翼、眉心。

我自己用咗呢支妝前乳一段時間，我覺得佢唔油膩，但又足夠滋潤。我上星期喺新加坡，都係每日洗完面搽透明質酸，然後防曬、之後搽呢支妝前乳，再開始化妝。嗰妝都保持到成日，出少少汗、印一下就OK。幾啱我呢類人！（記得搽完防曬再搽妝前乳！！）

GK 呢支妝前乳裡面，係有 BHT（Butylated hydroxytoluene）：呢種物質係一種保鮮劑，喺護膚品化妝品食品藥物裡面都好常見，用途係避免產品接觸空氣之後變壞。老實講，拎得出市面賣，有BHT真係唔出奇。不過除咗BHT，呢支妝前乳係純素、無香料、無酒精、無染色、無麩質、不含對羥基苯甲酸酯，同埋無用動物測試。（50毫升）