以油养肤
我发现香港嘅女士们，对护肤油存在两极反应：有啲非常钟意，有啲非常抗拒。
喜欢护肤油嘅，固然系睇到护肤油嘅神奇功效，而抗拒嘅，往往系基于对护肤油嘅误解，又或者过去一啲唔满意嘅经验。
首先，护肤油（甚至所有护肤品）都系要适量咁搽，虽然有个「油」字，但我们要嘅效果系滋润而唔系油腻。我成日同啲客分享自己用护肤油嘅方法：放4、5滴护肤油系掌心，然后好似搽润手霜一样，好快趣咁两手搓匀，然后合埋眼将掌心嘅护肤油搽上面。我自己好反对用「印」嘅方法，因为只要你唔好暴力扯块面，轻手搽系最好嘅，万一觉得好似落多咗油有啲𣲷，就用手背hi返啲油，搽系其他部位，例如手踭、膝头，甚至好多人忽略嘅耳珠（你依家唔搽，老咗你就后悔，哈哈）。
用我呢个方法搽油，我包你唔会搽多咗。事实上，我某日无聊，拎返我未经营「小姐有礼」嘅时候贡献俾某大韩国品牌嘅面霜出黎搽，第二朝起身，洗面嘅时候我觉得洗甩咗一层嘢，同我之前每晚用护肤油嘅感觉完全唔一样。我突然觉得有啲核突，咁我块面寻晚咪即系一路俾啲嘢遮住咯，皮肤点呼吸呢？我唔钟意嗰种感觉，所以我继续用护肤油嘅心系唔会变！
我本身用「小姐有礼」嘅4支护肤油，同你介绍一下：LOA Skin Botanical Recovery Serum 虽然自称系植物修复精华液，但佢其实系一支好优质嘅护肤油：佢蕴含 15 种植物精华(月见草油、金盏花、黄芪根、紫锥菊根、甘草根等等) ，能够深层保湿、美白同埋舒缓肌肤。佢针对泛红、极度干燥甚至脱皮、暗疮、湿疹等皮肤问题； LOA用嘅系Omega-6 fatty acids 含量较高嘅油，所以唔会令你嘅皮肤出问题，仲可以帮你慢慢改善肤质，令你嘅肌肤恢复健康。好多客人都同我讲，只要用啱份量同埋有恒心耐性，LOA Serum 绝对可以改善佢地嘅皮肤问题。而我自己，唔单止夜晚用佢，有时候日头我都用佢，因为钟意佢一支搞掂晒，快、靓、正！
另一支我推荐嘅护肤油，系波兰Oio Lab嘅抗衰老晚间面部护理油 Anti-Aging LUNULA NIGHT：呢款精油，虽然无LOA Serum 人见人爱嘅香味，但佢胜在质地好似天鹅绒咁丝滑！佢蕴含强效植物精华和高级视黄醇（advanced form of retinol）：呢啲高浓度但系好温和嘅稳定视黄醇，会帮助刺激透明质酸嘅生成，从而增强肌肤嘅弹性。呢款精油含有营养丰富嘅石榴籽同埋沙棘果萃取物，会系我哋训觉嘅时候深层滋养肌肤，为肌肤补充水分，令到肌肤更加年轻，更有青春活力。Oio Lab嘅套装里面，配搭咗一支修护精华素Pro-Repair Facial E-serum，但其实都可以配搭同品牌嘅水份精华Aquasphere。所以唔想买套装嘅朋友，都可以考虑单买呢支可以帮你增强肌肤弹性嘅抗衰老护肤油。
第三支呢，系荷兰MORE 嘅黑孜然籽油（Black Cumin Seed Oil）。佢可以滋养并刺激头发生长，强化毛囊，令发根更加强健，帮助减少脱发。成分里面嘅亚油酸同埋亚麻酸等不饱和脂肪酸，有助减少细纹、皱纹。黑孜然籽油亦含有丰富维他命 A、必需脂肪酸（Omega-3/6/9）、矿物质、同埋抗氧化剂。而我最钟意嘅，系黑孜然籽油有多种抗菌特性同埋消炎作用，可以减轻皮肤干燥、湿疹、牛皮癣、痤疮同埋其他皮肤病嘅病情。我一到夏天就好大汗，好容易出热痱（几十岁人出热痱真系几尴尬），皮肤会痛同埋感觉有啲损，所以冲完凉我会搽少少黑孜然籽油系生热痱嘅地方，一般搽一两次皮肤就唔再痛，感觉好返好多。呢支油性价比超高，搽身都唔肉痛。
最后一支，系佢嘅姐妹Baobab Oil 猴面包树油：呢支油有典型嘅泥土同埋坚果气味，颜色系淡橙色。佢有良好嘅饱和脂肪同埋不饱和脂肪比例，含丰富嘅抗氧化剂、维他命 A、D、E 同埋F ，仲有omega-3、-6 和 -9。 Baobab oil 搽上皮肤之后好易吸收，非常滋润，可以软化干燥嘅皮肤，改善皮肤弹性，同时促进新皮肤细胞嘅生成。猴面包树油可以搽响皮肤、头皮同埋头发，具有修复同埋恢复皮肤活力嘅效果。
以上介绍嘅护肤油，除咗直接搽，都可以加一两滴系粉底度；虽然好多人话搽完油可以搽日霜甚至晚霜，但我真系唔觉得有呢个需要。如果你日常嘅生活有摄取足够水份（唔好意思，水份唔代表汽水红酒咖啡茶），加上基本嘅护肤，你嘅皮肤应该唔会超级干。题外话一句，我好建议大家煲汤水，我哋中国人，胃口同体制唔同洋人，所以汤水对身体对皮肤都好重要。如果你唔知道可以煲咩，你尽管留言，我会话你知！
上面介绍呢4支护肤油都系纯素、无用动物测试、无酒精、无人造香味或者任何防腐剂，大家可以放心使用。
最后，请大家注意：护肤油只可以外用，请避免接触眼睛。如果皮肤破损或敏感，请即刻停用。如果对坚果过敏，请咨询医生。所有护肤品，请放系儿童接触唔到嘅地方。
加拿大LOA Skin Botanical Recovery Serum 植物修复精华液
售价 港币420 （50ml）
波兰 Oio Lab Anti-Aging LUNULA NIGHT 抗衰老晚间面部护理油
售价 港币580 （30ml）
荷兰MORE Black Cumin Seed Oil 黑孜然籽油
售价 港币230 （50ml）
荷兰MORE Baobab Oil 猴面包树油
售价 港币200 （30ml）
我哋用顺丰快递，运费到付，买满600及以上包邮！
#小姐有礼 #acquiredtastehk
