护肤耐性篇
我系白羊座♈️，根据星座书分析，我天生冲动、热血、无耐性。
但系经过咁多年工作同埋生活嘅磨练，我交足学费，依家已经系一个绝对有耐性嘅人。不过自从经营呢个网店之后，我发现好多朋友，真系无咩耐性😬
我讲嘅系喺护肤呢件事情上，无咩耐性（我希望你哋有耐性睇我写落去😬）
罗马唔系一日建成、一分耕耘一分收获、欲速则不达、台上一分钟台下十年功、只要功夫深铁柱磨成针……呢啲老说话，由细听到大，讲嘅都系同一个道理：有啲嘢急唔嚟，要俾时间同埋心机，更重要嘅系，要等待。
当然，有人天生皮肤底子好，赢在起跑线。但如果先天不足，系咪后天就大把理由放弃？NO! 事实上，我觉得天生就有嘅嘢，固然要感恩，但后天经过自己奋斗努力得返嚟嘅，更值得自己骄傲。战胜际遇，系我觉得人生里面最好玩嘅事！遇强越强，上天都会为你鼓掌。天助自助者，听过未？
所以，我今日分享下自己嘅护肤经验，亦都欢迎你哋留言交流，大家讨论下。
我自细有哮喘，气管同皮肤一样敏感，因为烂面所以搽过唔少类固醇药膏，脸上有啲皮肤因此变得特别薄；以前我完全唔搽防晒（虽然我亦无刻意去晒太阳），至今都无去过美容院做任何facial，我好少敷面膜（特别讨厌纸面膜，觉得好污糟🙅🏻♀️🙅🏻♀️🙅🏻♀️），皮肤医生亦叮嘱千万唔好用任何美白产品（我唔算黑，少量色斑同埋肤色不均匀就一定有）。过去市面出咩我买得起都试😂，有时候ok，有时候完全唔得，所以屋企一大堆半途而废嘅嘢，觉得自己啲钱掟晒落咸水海。
搞呢个网店，系因为我想用性价比好嘅护肤品，因为香港无咩选择，更重要系好多嘢都overpriced。我觉得用任何嘢最紧要系啱自己，而唔系炫耀俾人哋睇：自己嗰袋有几多钱剩最实际，何况系搽上面，再高级唔啱自己都无得勉强。
当然，近水楼台嘅关系，「小姐有礼」里面每样产品我都有用，但系我都要俾钱😆，而且我用嗰份无钱赚🥲🥲。好喇，开始讲下我自己每日嘅skincare ritual。
每朝起身，我都系清水洗脸：临睡前我落妆，洗干净之后搽护肤品，瞓觉嘅时候我无咩机会整污糟块面，所以瞓醒之后，我用清水洗干净就OK。之后我会用化妆棉沾一啲玫瑰水抹面，嗰感觉好清爽，亦都可以系块化妆棉度，睇到自己块面干唔干净。之后我会搽oio lab 嘅eye gel 同埋serum, 又或者用LOA嘅精华素，然后我就食早餐，开始一日嘅忙碌工作。
大概忙一两个钟，我会冲凉洗头换衫，冲凉嘅时候我会用葡萄牙番枧洗埋面，如果想闻下木香味，我会用Huygens Elixir Nuit Face Wash，佢虽然话系晚上用，但日头当然都用得。抹干之后我会直接搽oio lab 嘅eye gel + serum（或者LOA嘅精华素），然后搽SOS 防晒，之后就开始化妆。我唔钟意粉底厚，所以如果嗰日搽粉底，我会加两滴oio lab嘅supercharged glow serum 系粉底入面，咁粉底会润啲，薄啲，睇落去亦都比较有光泽。粉底之后遮瑕，然后扑干粉，我钟意用胭脂膏或啫喱，再搽唇膏或者lip balm就可以出门。
夜晚我落妆会用卸妆膏（好快有得卖，到时候再介绍😉），然后用Huygens Elixir Nuit Face Wash洗干净。懒惰嘅日子，我会用LOA嘅睡眠面膜，一分钟就可以上床；唔懒嗰日我会先涂oio lab嘅Pro Repair Facial Serum，然后加同品牌嘅Lunula Night 抗衰老养肤油，或者Superpause面霜。偶然天气潮湿，我后颈嘅皮肤会痕，咁我就会搽SOS Serum Face & Body Healer：佢无色无味迅速止痕，咁就唔怕瞓唔到觉。
以上睇落好复杂，但其实好简单。我之所以形容佢为 skincare ritual，而唔系routine，系因为ritual代表一个更高层次嘅规律：我知道自己用嘅护肤品可靠优质，亦都适合自己，但更重要嘅系我有一份坚持嘅心；当我唔再用啲化学嘢，我就唔期望 overnight 会改变一切，毕竟我搽嘅嘢好天然，但唔系仙丹！伤风都要两三日至好返晒喇，咁皮肤嘅嘢，点可能一两日逆转状态呢？其实护肤就好似求学问、做运动一样，坚持最重要：今日开始做一啲，总比唔开始好；系皮肤护理上，我算后知后觉，但依家开始咗，点都好过仲唔开始。女人过咗30岁，真系唔好谂住靠天资食老本。30岁之后老得特别快，试过嘅人都知道😂😂。
所以，如果你呢刻皮肤状态不如理想，唔好灰心，首先，唔好再用化学嘢喇，亦都唔好沉迷美白，你可以追求皮肤有光泽，你应该搽防晒，但每个人嘅肤色同基因都有关，你都唔会买件米色衫返嚟漂白佢，系咪？要皮肤好，生活习惯亦都好重要，饮食（当然包括饮水）、肠胃功能（即系排便）、睡眠习惯、有无食烟饮酒等等，都系影响皮肤质量嘅原因，斋靠搽护肤品，而忽略其他细节，战线就会拖长。我真系唔反对大家揾嗰好中医调理下身体，上医治未病，揾中医按照自己嘅体质俾啲意见，知道自己可以食啲咩唔好食啲咩，其实已经好帮到手。（唔好问我有无中医介绍，我自己偏向睇老人家，临床经验丰富啲，香港几家大学都有，自己去揾揾喇🫶🏻）
最后，戒心烦气躁！我知道，皮肤唔好心情好难好，但心情郁结一定影响健康。人开朗啲，瞓都瞓得好啲（瞓唔到你可以买Fern & Petal嘅Doze，又或者Clarity Blend啲香薰油roll-on）。
依然系嗰句：我唔系医生，但我都希望可以帮到你。有嘢想分享就留言或者PM我喇！
我嘅skincare ritual 产品如下：
1. Rose & Skin Rose Water HKD128
2. Oio Lab Aquasphere HKD400
3. Oio Lab All in Eye HKD400
4. Oio Lab Supercharged Glow Serum HKD400 (无加价，依家系30ml)
5. Oio Lab Rejuvenating Facial Set HKD880
6. Oio Lab SuperPause HKD620
7. LOA Skin Botanical Recovery Mask HKD520
8. LOA Skin Botanical Recovery Serum HKD420
9. Huygens Elixir Nuit Face Wash HKD238
10. SOS SPF 50 Sun Cream HKD180
11. SOS Serum Face & Body Healer HKD180
Free Local Delivery For Order More Than HKD 600
#小姐有礼 #acquiredtastehk
