選擇

「小姐有禮」除咗有護膚品賣，仲有故仔聽。

首先，聽故唔好駁故啊，網上版本好多，妳記住呢個係我嘅版本就得喇。

大家都知道亞瑟王King Arthur 吧？話說阿瑟王後生嘅時候，有一次被隔離國嘅伏兵捉咗，隔離國嘅國王見到阿瑟王又後生又叻仔，都唔捨得殺佢。不過佢礙於面子，又唔可以輕易放佢返去，所以佢同阿瑟王講：我問你一個問題，俾你一年時間，你如果答唔出，我就會攞你命！

阿瑟王好無奈，於是佢問國王：咩問題？

國王陰陰嘴笑：「女人最想要嘅係咩？」

哈！呢個問題睇落簡單，但人命攸關，邊個都唔敢輕易俾答案。阿瑟王係個後生仔，當然更加唔敢隨便回答，但係用一年時間搵答案，點都好過死，係咪？所以佢答應國王，一年之後會帶住答案返去搵國王。

阿瑟王返到自己國家，周圍問人，上至智者、學者，下至宮女廚師，都無一個人嘅答案能令阿瑟王滿意。時間過得好快，轉眼一年嘅期限就到，但係阿瑟王依然無答案。突然有一日，一個隨從話俾阿瑟王聽，聽講森林裡面有個老女巫，咩都識，佢應該有答案。不過呢個女巫好麻煩，叫價好高。阿瑟王呢個時候已經無得揀，即刻搵埋自己嘅老友加溫（最高貴嘅圓桌武士之一），啟程去森林搵女巫。

女巫見到佢哋，聽埋阿瑟王嘅問題，氣定神閒咁講：「呢個問題實在太簡單了。」

阿瑟王大悅，問女巫要幾多錢。女巫冷笑咗一聲：「我唔要錢，我要佢！」

女巫用手指咗一指加溫，然後露出蠱惑嘅笑容。

吓！唔係呀嘛！阿瑟王睇真啲嗰巫婆，駝背、醜樣、無曬牙，仲要有陣臭味。加溫出名靚仔，要佢同巫婆一齊，咪即係送佢去死？

阿瑟王同加溫一世人兩兄弟，無理由咁樣犧牲老友，所以佢拉住加溫，轉身走人。

點知呢個時候，加溫反而企喺度，好冷靜咁同阿瑟王講：無嘢比保住你嘅性命同埋圓桌武士更重要，我願意。

阿瑟王再唔願意，都阻止唔到加溫要娶女巫嘅決心。為咗趕及一年嘅期限，加溫同女巫嘅婚禮好快就舉行喇。係婚禮嗰日，加溫一如既往咁溫文爾雅、風度翩翩，但係嗰新娘（即係女巫）就真係失禮人：用手拎嘢食，放屁打嗝、不斷怪笑，搞到所有賓客都覺得加溫好可憐，真係一朵鮮花插係XX上。

到咗夜晚，加溫再唔想都要入睡房，雖然齋諗都覺得恐怖。加溫硬著頭皮打開房門，咿，點解有個咁靚嘅少女坐喺床度？

少女同加溫講，我其實就係女巫，我俾人落咗咒語，係一日裡面，我只有一半時間可以做返自己，其餘另一半時間，我會變成個好醜樣好臭好粗魯嘅巫婆。而依家我哋結咗婚，所以你可以揀，你想我日頭做少女，夜晚變巫婆，定係日頭做巫婆，夜晚變少女？

加溫聽完真係暈得一陣陣：如果日頭係少女，咁全世界都羨慕自己喇，但係夜晚返到屋企就受罪；但係日頭係巫婆，咁邊度都唔使去啦，係人見到佢都走夾唔透，不過夜晚返到屋企就開心啊，佢咁靚女喔。。。

好啦，故事講到呢度，如果你係加溫，你點揀？

加溫可能因為揀唔到，所以佢同少女講：無所謂啦，妳鍾意點就點。。。

少女好感動，佢話：其實一個女人最想要嘅，就係有選擇嘅自由。多謝你，你已經解除咗我嘅魔咒，我以後唔會再變巫婆啦！

加溫當然從此跟少女過著幸福愉快嘅生活啦。

寫咗咁耐，其實就係想話俾妳聽，「小姐有禮」搵咁多產品返黎，都係想大家有得選擇。因為可以自由做選擇嘅女人，至係一個真正幸福嘅女人。

呢度幾支護膚油，價錢唔同，各有功效，有興趣嘅隨時PM我啦！

我哋用順豐快遞，運費到付，買滿600及以上包郵！

#小姐有禮 #acquiredtastehk