以油養膚
我發現香港嘅女士們，對護膚油存在兩極反應：有啲非常鍾意，有啲非常抗拒。
喜歡護膚油嘅，固然係睇到護膚油嘅神奇功效，而抗拒嘅，往往係基於對護膚油嘅誤解，又或者過去一啲唔滿意嘅經驗。
首先，護膚油（甚至所有護膚品）都係要適量咁搽，雖然有個「油」字，但我們要嘅效果係滋潤而唔係油膩。我成日同啲客分享自己用護膚油嘅方法：放4、5滴護膚油係掌心，然後好似搽潤手霜一樣，好快趣咁兩手搓勻，然後合埋眼將掌心嘅護膚油搽上面。我自己好反對用「印」嘅方法，因為只要你唔好暴力扯塊面，輕手搽係最好嘅，萬一覺得好似落多咗油有啲𣲷，就用手背hi返啲油，搽係其他部位，例如手踭、膝頭，甚至好多人忽略嘅耳珠（你依家唔搽，老咗你就後悔，哈哈）。
用我呢個方法搽油，我包你唔會搽多咗。事實上，我某日無聊，拎返我未經營「小姐有禮」嘅時候貢獻俾某大韓國品牌嘅面霜出黎搽，第二朝起身，洗面嘅時候我覺得洗甩咗一層嘢，同我之前每晚用護膚油嘅感覺完全唔一樣。我突然覺得有啲核突，咁我塊面尋晚咪即係一路俾啲嘢遮住咯，皮膚點呼吸呢？我唔鍾意嗰種感覺，所以我繼續用護膚油嘅心係唔會變！
我本身用「小姐有禮」嘅4支護膚油，同你介紹一下：LOA Skin Botanical Recovery Serum 雖然自稱係植物修復精華液，但佢其實係一支好優質嘅護膚油：佢蘊含 15 種植物精華(月见草油、金盞花、黄芪根、紫錐菊根、甘草根等等) ，能夠深層保濕、美白同埋舒緩肌膚。佢針對泛紅、極度乾燥甚至脫皮、暗瘡、濕疹等皮膚問題； LOA用嘅係Omega-6 fatty acids 含量較高嘅油，所以唔會令你嘅皮膚出問題，仲可以幫你慢慢改善膚質，令你嘅肌膚恢復健康。好多客人都同我講，只要用啱份量同埋有恆心耐性，LOA Serum 絕對可以改善佢地嘅皮膚問題。而我自己，唔單止夜晚用佢，有時候日頭我都用佢，因為鍾意佢一支搞掂曬，快、靚、正！
另一支我推薦嘅護膚油，係波蘭Oio Lab嘅抗衰老晚間面部護理油 Anti-Aging LUNULA NIGHT：呢款精油，雖然無LOA Serum 人見人愛嘅香味，但佢勝在質地好似天鵝絨咁絲滑！佢蘊含強效植物精華和高級視黃醇（advanced form of retinol）：呢啲高濃度但係好溫和嘅穩定視黃醇，會幫助刺激透明質酸嘅生成，從而增強肌膚嘅彈性。呢款精油含有營養豐富嘅石榴籽同埋沙棘果萃取物，會係我哋訓覺嘅時候深層滋養肌膚，為肌膚補充水分，令到肌膚更加年輕，更有青春活力。Oio Lab嘅套裝裡面，配搭咗一支修護精華素Pro-Repair Facial E-serum，但其實都可以配搭同品牌嘅水份精華Aquasphere。所以唔想買套裝嘅朋友，都可以考慮單買呢支可以幫你增強肌膚彈性嘅抗衰老護膚油。
第三支呢，係荷蘭MORE 嘅黑孜然籽油（Black Cumin Seed Oil）。佢可以滋養並刺激頭髮生長，強化毛囊，令髮根更加強健，幫助減少脫髮。成分裡面嘅亞油酸同埋亞麻酸等不飽和脂肪酸，有助減少細紋、皺紋。黑孜然籽油亦含有豐富維他命 A、必需脂肪酸（Omega-3/6/9）、礦物質、同埋抗氧化劑。而我最鍾意嘅，係黑孜然籽油有多種抗菌特性同埋消炎作用，可以減輕皮膚乾燥、濕疹、牛皮癬、痤瘡同埋其他皮膚病嘅病情。我一到夏天就好大汗，好容易出熱痱（幾十歲人出熱痱真係幾尷尬），皮膚會痛同埋感覺有啲損，所以沖完涼我會搽少少黑孜然籽油係生熱痱嘅地方，一般搽一兩次皮膚就唔再痛，感覺好返好多。呢支油性價比超高，搽身都唔肉痛。
最後一支，係佢嘅姐妹Baobab Oil 猴麵包樹油：呢支油有典型嘅泥土同埋堅果氣味，顏色係淡橙色。佢有良好嘅飽和脂肪同埋不飽和脂肪比例，含豐富嘅抗氧化劑、維他命 A、D、E 同埋F ，仲有omega-3、-6 和 -9。 Baobab oil 搽上皮膚之後好易吸收，非常滋潤，可以軟化乾燥嘅皮膚，改善皮膚彈性，同時促進新皮膚細胞嘅生成。猴麵包樹油可以搽响皮膚、頭皮同埋頭髮，具有修復同埋恢復皮膚活力嘅效果。
以上介紹嘅護膚油，除咗直接搽，都可以加一兩滴係粉底度；雖然好多人話搽完油可以搽日霜甚至晚霜，但我真係唔覺得有呢個需要。如果你日常嘅生活有攝取足夠水份（唔好意思，水份唔代表汽水紅酒咖啡茶），加上基本嘅護膚，你嘅皮膚應該唔會超級乾。題外話一句，我好建議大家煲湯水，我哋中國人，胃口同體制唔同洋人，所以湯水對身體對皮膚都好重要。如果你唔知道可以煲咩，你儘管留言，我會話你知！
上面介紹呢4支護膚油都係純素、無用動物測試、無酒精、無人造香味或者任何防腐劑，大家可以放心使用。
最後，請大家注意：護膚油只可以外用，請避免接觸眼睛。如果皮膚破損或敏感，請即刻停用。如果對堅果過敏，請咨詢醫生。所有護膚品，請放係兒童接觸唔到嘅地方。
加拿大LOA Skin Botanical Recovery Serum 植物修復精華液
售價 港幣420 （50ml）
波蘭 Oio Lab Anti-Aging LUNULA NIGHT 抗衰老晚間面部護理油
售價 港幣580 （30ml）
荷蘭MORE Black Cumin Seed Oil 黑孜然籽油
售價 港幣230 （50ml）
荷蘭MORE Baobab Oil 猴麵包樹油
售價 港幣200 （30ml）
我哋用順豐快遞，運費到付，買滿600及以上包郵！
#小姐有禮 #acquiredtastehk
