黑皂膏湿疹篇

自从有客人话，用咗法国Pilon Du Roy嘅黑皂膏，搞返掂湿疹同主妇手，黑皂膏嘅销路就直线上升，成为小店最受欢迎嘅产品之一（先此声明，「小姐有礼」呢只黑皂膏配方，唔系传统黑皂膏，因为传统黑皂膏系无水分嘅）。好多人有皮肤问题，好想揾合适嘅冲凉用品，但佢哋唔认识「小姐有礼」，就会担心我哋系网骗。最近我加入HKTV Mall嘅The Place 网店平台，就系希望令新客人安心啲；同以往唔同嘅系，我发货之后都要客人收到货、再过一头半个月我至收到钱。所以唔使担心网骗啦，你俾钱落单就一定收到货，仲包括货真价实添！

好多客人初接触PDR嘅黑皂膏，都有好多疑问，依家等我一一解答：

黑皂膏可唔可以洗面洗头吗？日日用得吾得？有无到期日？

黑皂膏其实系好普通嘅冲凉用品，无咩神奇。成分包括摩洛哥坚果油、尤加利精油、水。番枧做到嘅嘢，黑皂膏都超额完成；你可以用佢嚟洗面洗手洗头，但唔建议落妆。同番枧一样，你可以日日用；亦都无使用期限（不过唔建议囤货，要用先买，买咗就用，OK？）

小朋友都可以用黑皂膏？

所有冲凉用品厂家都会讲，3岁以上可以用；佢哋咁样声明，唔代表3岁以下用咗会有咩事，而系大家都觉得3岁以下小朋友唔会好污糟，最多都系流吓汗，就算颜色笔整到手，应该都系洗得甩嘅颜色笔。所以，小朋友绝对可以用黑皂膏。

一罐黑皂膏可以用几耐？

呢个问题最难回答。个人经验：一个人每日用一次，一罐大概用到二十几日。

黑皂膏系啫喱状，要用手撩出嚟，系咪好唔方便？会唔会搞到罐黑皂膏湿晒？

开始嘅时候系要熟习一下，湿身，窝起手掌（好似兜住嗰蛋黄咁）拎黑皂膏搽上身，捽匀，然后冲水。（系咪唔方便视乎你嘅心态：无湿疹或者皮肤问题，当然以方便为考虑，但如果俾湿疹困扰，我相信你宁愿接受呢啲所谓唔方便，都好过继续受湿疹折磨）。另外，因为我哋只手唔系鸭掌，所以唔会有太多水滴到入个罐，万一有，倒转倒返啲水出嚟就得；就算唔倒啲水出嚟，都无问题，因为黑皂膏本身成分都有水。

点解黑皂膏可以帮到湿疹？里面有无药？

黑皂膏成分只有摩洛哥坚果油、尤加利精油同埋水，无任何化学嘢，冲凉之后觉得皮肤唔干，但唔油腻；唔干，就唔痕，唔痕就唔𢯎， 唔𢯎就唔损，唔损就会好返。以上嘅逻辑，系用黑皂膏搞返好湿疹同主妇手嘅客人话我知嘅，我亦都亲身证实过（因为本人一到冬天，手掂到冷水就会好敏感，用咗黑皂膏洗手就无事啦，好开心）！

黑皂膏有无泡？佢有正常嘅泡，但唔算多。事实上，要起泡只需要落化学嘢，但敏感同埋有湿疹嘅人最忌泡，呢个要切记。

黑皂膏有无香味？尤加利精油系有香味嘅，不过黑皂膏嘅香味唔系经典尤加利，而系比较中性嘅香味，男女都可以用。

有无人唔用得黑皂膏？所有精油用品，理论上孕妇都要慎用，黑皂膏嘅包装上都用法文咁写，孕妇最好唔用。

法国Pilon Du Roy嘅黑皂膏，港币98一罐，加埋运费，可想而知利润几单薄。事实上，收到货有时候都几激气，因为我觉得嗰label可以贴得四正啲（我成日都觉得包装嗰啲法国工人应该系饮大咗！）但系每次同客人讲嗰贴纸问题，佢哋都会话「唔紧要，自用，有效果至重要。」系佢哋令我相信，原来实力至喺最重要嘅事。

买1罐到3罐黑皂膏，顺丰嘅运费都系25-30蚊（离岛加10蚊），如果你拣埋其他嘢，买满600我就包邮。法国Pilon Du Roy黑皂膏已经喺HKTV Mall The Place 平台嘅「小姐有礼」上架啦，或者PM我都得㗎！ ❤️

法国 Pilon Du Roy 黑皂膏 Organic Argan Oil & Eucalyptus Hamman Black Soap

容量：250克

价格：港币98

我哋用顺丰快递，运费到付，买满600及以上包邮！

#小姐有礼 #acquiredtastehk