黑皂膏濕疹篇

自從有客人話，用咗法國Pilon Du Roy嘅黑皂膏，搞返掂濕疹同主婦手，黑皂膏嘅銷路就直線上升，成為小店最受歡迎嘅產品之一（先此聲明，「小姐有禮」呢隻黑皂膏配方，唔係傳統黑皂膏，因為傳統黑皂膏係無水分嘅）。好多人有皮膚問題，好想搵合適嘅沖涼用品，但佢哋唔認識「小姐有禮」，就會擔心我哋係網騙。最近我加入HKTV Mall嘅The Place 網店平台，就係希望令新客人安心啲；同以往唔同嘅係，我發貨之後都要客人收到貨、再過一頭半個月我至收到錢。所以唔使擔心網騙啦，你俾錢落單就一定收到貨，仲包括貨真價實添！

好多客人初接觸PDR嘅黑皂膏，都有好多疑問，依家等我一一解答：

黑皂膏可唔可以洗面洗頭嗎？日日用得吾得？有無到期日？

黑皂膏其實係好普通嘅沖涼用品，無咩神奇。成分包括摩洛哥堅果油、尤加利精油、水。番梘做到嘅嘢，黑皂膏都超額完成；你可以用佢嚟洗面洗手洗頭，但唔建議落妝。同番梘一樣，你可以日日用；亦都無使用期限（不過唔建議囤貨，要用先買，買咗就用，OK？）

小朋友都可以用黑皂膏？

所有沖涼用品廠家都會講，3歲以上可以用；佢哋咁樣聲明，唔代表3歲以下用咗會有咩事，而係大家都覺得3歲以下小朋友唔會好污糟，最多都係流吓汗，就算顏色筆整到手，應該都係洗得甩嘅顏色筆。所以，小朋友絕對可以用黑皂膏。

一罐黑皂膏可以用幾耐？

呢個問題最難回答。個人經驗：一個人每日用一次，一罐大概用到二十幾日。

黑皂膏係啫喱狀，要用手撩出嚟，係咪好唔方便？會唔會搞到罐黑皂膏濕晒？

開始嘅時候係要熟習一下，濕身，窩起手掌（好似兜住嗰蛋黃咁）拎黑皂膏搽上身，捽勻，然後沖水。（係咪唔方便視乎你嘅心態：無濕疹或者皮膚問題，當然以方便為考慮，但如果俾濕疹困擾，我相信你寧願接受呢啲所謂唔方便，都好過繼續受濕疹折磨）。另外，因為我哋隻手唔係鴨掌，所以唔會有太多水滴到入個罐，萬一有，倒轉倒返啲水出嚟就得；就算唔倒啲水出嚟，都無問題，因為黑皂膏本身成分都有水。

點解黑皂膏可以幫到濕疹？裡面有無藥？

黑皂膏成分只有摩洛哥堅果油、尤加利精油同埋水，無任何化學嘢，沖涼之後覺得皮膚唔乾，但唔油膩；唔乾，就唔痕，唔痕就唔𢯎， 唔𢯎就唔損，唔損就會好返。以上嘅邏輯，係用黑皂膏搞返好濕疹同主婦手嘅客人話我知嘅，我亦都親身證實過（因為本人一到冬天，手掂到冷水就會好敏感，用咗黑皂膏洗手就無事啦，好開心）！

黑皂膏有無泡？佢有正常嘅泡，但唔算多。事實上，要起泡只需要落化學嘢，但敏感同埋有濕疹嘅人最忌泡，呢個要切記。

黑皂膏有無香味？尤加利精油係有香味嘅，不過黑皂膏嘅香味唔係經典尤加利，而係比較中性嘅香味，男女都可以用。

有無人唔用得黑皂膏？所有精油用品，理論上孕婦都要慎用，黑皂膏嘅包裝上都用法文咁寫，孕婦最好唔用。

法國Pilon Du Roy嘅黑皂膏，港幣98一罐，加埋運費，可想而知利潤幾單薄。事實上，收到貨有時候都幾激氣，因為我覺得嗰label可以貼得四正啲（我成日都覺得包裝嗰啲法國工人應該係飲大咗！）但係每次同客人講嗰貼紙問題，佢哋都會話「唔緊要，自用，有效果至重要。」係佢哋令我相信，原來實力至喺最重要嘅事。

買1罐到3罐黑皂膏，順豐嘅運費都係25-30蚊（離島加10蚊），如果你揀埋其他嘢，買滿600我就包郵。法國Pilon Du Roy黑皂膏已經喺HKTV Mall The Place 平台嘅「小姐有禮」上架啦，或者PM我都得㗎！ ❤️

法國 Pilon Du Roy 黑皂膏 Organic Argan Oil & Eucalyptus Hamman Black Soap

容量：250克

價格：港幣98

我哋用順豐快遞，運費到付，買滿600及以上包郵！

#小姐有禮 #acquiredtastehk