Gunes Nylon Bags

女人都钟意买包包，我都唔例外。我觉得衫可以着嚟着去都系差唔多颜色、款式，但系手袋，系应该有变化嘅。唔同大细、唔同场合、甚至唔同季节，都要有唔同嘅包陪衬，唯有咁样，我觉得至可以营造自己心目中嘅Total Look。

最近我收到一份礼物，系一个好靓、好「的骰」嘅手袋，我好钟意，但系当我知道价钱之后，我吓咗一跳，居然要一万六千八。如果你知道行情，当然明白一万六千八嘅，唔会系爱马仕，但对于我嚟讲，已经破晒记录！

（本人嘅记录系当年返工返到好闷好辛苦，于是某日放工返到长住嘅广州中国大酒店，系酒店嘅名店买咗一个表面镶咗好多欧洲货币嘅皮包；因为当年推出欧元，马克法郎全部都bye bye，所以我觉得嗰皮包好有纪念同收藏价值，当年我俾咗8千几人仔，我都觉得自己傻傻地，不过呢嗰皮包我收藏到依家）

言归正传，我用咗一万六千八几次，好钟意，但系每次都小心翼翼，因为佢系布面，万一污糟咗，就真系唔知点算。其实我有嗰坏习惯，我因为钟意用大袋，所以我习惯将嗰袋随便摆，只要地板唔污糟就OK。咁皮袋可以抹可以打蜡、布袋可以洗，但偶然都会惹到一啲好难洗嘅污迹，有时候都几心痛。

所以当我见到澳洲品牌Gunes，系印度利用回收尼龙再染色做袋，我就忍唔住入几个俾你地考虑吓（一共6款，每款存货都唔多）。佢哋嘅袋颜色好靓，虽然系尼龙，但系都好软熟，质地又厚过红白蓝好多，每款里面都有暗袋，其中两款仲有拉炼。我觉得唔单止系去沙滩，就算夏天平日出街都好ok，当中有几个款容量超级大，去游水带埋干净衫换都完全无问题。最紧要系唔重！我觉得嘅袋再靓，如果本身好重，再放埋啲嘢落去真系好似做搬运工人，有苦自己知！

至于价钱，我觉得比好粗糙好薄嘅环保布袋贵少少，但系比其他市面上嘅包包都平一大截，最平328，最贵398，因为我基本上拎返成本运费赚少少就算（唔赚少少会维持唔到，你都唔想，系咪？）。一如既往，大家用得开心最紧要。

尺寸写晒系啲图片度，有问题随时PM我啦！！

我哋用顺丰快递，运费到付，买满600及以上包邮！

#小姐有礼 #acquiredtastehk

澳洲品牌Gunes系印度利用回收尼龙再染色做袋，佢哋嘅袋颜色好靓，虽然系尼龙，但系都好软熟，质地又厚过红白蓝好多，每款里面都有暗袋。我觉得唔单止系去沙滩，就算夏天平日出街都好ok，当中有几个款容量超级大，去游水带埋干净衫换都完全无问题。最紧要系唔重！我觉得嘅袋再靓，如果本身好重，再放埋啲嘢落去真系好似做搬运工人，有苦自己知！

因为系采用回收尼龙物料，所以偶尔会有些地方嗰纹路有啲唔自然，但绝对唔系破损。如果长期系阳光下曝晒，颜色会有机会褪色，好正常，系咪？