Gunes Nylon Bags

女人都鍾意買包包，我都唔例外。我覺得衫可以著嚟著去都係差唔多顏色、款式，但係手袋，係應該有變化嘅。唔同大細、唔同場合、甚至唔同季節，都要有唔同嘅包陪襯，唯有咁樣，我覺得至可以營造自己心目中嘅Total Look。

最近我收到一份禮物，係一個好靚、好「的骰」嘅手袋，我好鍾意，但係當我知道價錢之後，我嚇咗一跳，居然要一萬六千八。如果你知道行情，當然明白一萬六千八嘅，唔會係愛馬仕，但對於我嚟講，已經破曬記錄！

（本人嘅記錄係當年返工返到好悶好辛苦，於是某日放工返到長住嘅廣州中國大酒店，係酒店嘅名店買咗一個表面鑲咗好多歐洲貨幣嘅皮包；因為當年推出歐元，馬克法郎全部都bye bye，所以我覺得嗰皮包好有紀念同收藏價值，當年我俾咗8千幾人仔，我都覺得自己傻傻地，不過呢嗰皮包我收藏到依家）

言歸正傳，我用咗一萬六千八幾次，好鍾意，但係每次都小心翼翼，因為佢係布面，萬一污糟咗，就真係唔知點算。其實我有嗰壞習慣，我因為鍾意用大袋，所以我習慣將嗰袋隨便擺，只要地板唔污糟就OK。咁皮袋可以抹可以打蠟、布袋可以洗，但偶然都會惹到一啲好難洗嘅污跡，有時候都幾心痛。

所以當我見到澳洲品牌Gunes，係印度利用回收尼龍再染色做袋，我就忍唔住入幾個俾你地考慮吓（一共6款，每款存貨都唔多）。佢哋嘅袋顏色好靚，雖然係尼龍，但係都好軟熟，質地又厚過紅白藍好多，每款裡面都有暗袋，其中兩款仲有拉鍊。我覺得唔單止係去沙灘，就算夏天平日出街都好ok，當中有幾個款容量超級大，去游水帶埋乾淨衫換都完全無問題。最緊要係唔重！我覺得嘅袋再靚，如果本身好重，再放埋啲嘢落去真係好似做搬運工人，有苦自己知！

至於價錢，我覺得比好粗糙好薄嘅環保布袋貴少少，但係比其他市面上嘅包包都平一大截，最平328，最貴398，因為我基本上拎返成本運費賺少少就算（唔賺少少會維持唔到，你都唔想，係咪？）。一如既往，大家用得開心最緊要。

尺寸寫曬係啲圖片度，有問題隨時PM我啦！！

我哋用順豐快遞，運費到付，買滿600及以上包郵！

#小姐有禮 #acquiredtastehk

澳洲品牌Gunes係印度利用回收尼龍再染色做袋，佢哋嘅袋顏色好靚，雖然係尼龍，但係都好軟熟，質地又厚過紅白藍好多，每款裡面都有暗袋。我覺得唔單止係去沙灘，就算夏天平日出街都好ok，當中有幾個款容量超級大，去游水帶埋乾淨衫換都完全無問題。最緊要係唔重！我覺得嘅袋再靚，如果本身好重，再放埋啲嘢落去真係好似做搬運工人，有苦自己知！

因為係採用回收尼龍物料，所以偶爾會有些地方嗰紋路有啲唔自然，但絕對唔係破損。如果長期係陽光下曝曬，顏色會有機會褪色，好正常，係咪？