Jikka

我一向覺得中文博大精深，例如「緣分」呢兩個字，好多外語都翻譯唔到。又或者緣分真係好難解釋，好似我同Vicky嘅緣分，就真係好神奇。

我退休之前做廣告，同Vicky開過一次會，之後無聯絡，但係有共同朋友。後來我返咗香港，輾轉知道佢離開咗老本行，去咗開餐廳，於是一班朋友就相約去捧場。其實我幾怕去新開張嘅餐廳，因為頭幾日通常一片混亂，但係Vicky間鋪又OK喔，啲嘢好食，地方整齊乾淨，服務就梗係唔話得咁周到啦，之後我一直幫襯外賣，轉眼已經有一兩年。

到我開咗「小姐有禮」， Vicky又好客氣咁幫襯我，開頭我以為禮尚往來啦，點知佢又真係好捧場，試好多產品。佢用慣止汗劑，所以好鍾意True Organic 嘅undercover agent；佢見到我被爐頭揦親搽All You Need Is Me 好得快，佢即刻買幾支送行家。做飲食業難免操勞（佢幾間鋪喔），所以我介紹佢用My Mag Essential 鎂體乳液，估唔到佢話關節舒服咗，睡眠質量都好埋，我聽到幾開心啊！佢最近仲好乖咁開始食麥蘆卡蜂蜜，提升免疫力。Vicky每次買新嘢都share用家心得俾我，令我好感動。

我媽咪五月份係醫院嘅時候，無胃口，但醫生話唔可以唔食嘢，所以我就外賣Vicky餐廳嘅食物去醫院，估唔到佢仲叫車手帶一籃鮮花俾我哋，嗰一刻真係感動到眼濕濕。我成日覺得，做任何嘢都要先做人，一個人好，佢嘅產品服務都差唔到去邊。所以我都要話你知，Vicky餐廳嘅燒雞同埋熱狗有幾好味（仲有洋蔥湯，係我媽咪嘅最愛）。我好鍾意外賣佢嘅燒雞，每次一堆人嚟屋企食飯，有燒雞再搭嗰沙律已經OK！熱狗呢，我點都覺得要去現場食，我最鍾意hot hot dog，諗起都想食😬

Vicky嘅餐廳叫Jikka，有幾家分店，網上好容易查到資料，你要去試就自己搵搵呢，又或者PM我都得嘅！如果你見到一位短髮笑容爽朗誠懇嘅女士喺舖頭，就係老闆娘Vicky啦！

#小姐有禮 #acquiredtastehk