Jikka

我一向觉得中文博大精深，例如「缘分」呢两个字，好多外语都翻译唔到。又或者缘分真系好难解释，好似我同Vicky嘅缘分，就真系好神奇。

我退休之前做广告，同Vicky开过一次会，之后无联络，但系有共同朋友。后来我返咗香港，辗转知道佢离开咗老本行，去咗开餐厅，于是一班朋友就相约去捧场。其实我几怕去新开张嘅餐厅，因为头几日通常一片混乱，但系Vicky间铺又OK喔，啲嘢好食，地方整齐干净，服务就梗系唔话得咁周到啦，之后我一直帮衬外卖，转眼已经有一两年。

到我开咗「小姐有礼」， Vicky又好客气咁帮衬我，开头我以为礼尚往来啦，点知佢又真系好捧场，试好多产品。佢用惯止汗剂，所以好钟意True Organic 嘅undercover agent；佢见到我被炉头揦亲搽All You Need Is Me 好得快，佢即刻买几支送行家。做饮食业难免操劳（佢几间铺喔），所以我介绍佢用My Mag Essential 镁体乳液，估唔到佢话关节舒服咗，睡眠质量都好埋，我听到几开心啊！佢最近仲好乖咁开始食麦芦卡蜂蜜，提升免疫力。Vicky每次买新嘢都share用家心得俾我，令我好感动。

我妈咪五月份系医院嘅时候，无胃口，但医生话唔可以唔食嘢，所以我就外卖Vicky餐厅嘅食物去医院，估唔到佢仲叫车手带一篮鲜花俾我哋，嗰一刻真系感动到眼湿湿。我成日觉得，做任何嘢都要先做人，一个人好，佢嘅产品服务都差唔到去边。所以我都要话你知，Vicky餐厅嘅烧鸡同埋热狗有几好味（仲有洋葱汤，系我妈咪嘅最爱）。我好钟意外卖佢嘅烧鸡，每次一堆人嚟屋企食饭，有烧鸡再搭嗰沙律已经OK！热狗呢，我点都觉得要去现场食，我最钟意hot hot dog，谂起都想食😬

Vicky嘅餐厅叫Jikka，有几家分店，网上好容易查到资料，你要去试就自己揾揾呢，又或者PM我都得嘅！如果你见到一位短发笑容爽朗诚恳嘅女士喺铺头，就系老板娘Vicky啦！

#小姐有礼 #acquiredtastehk